影片
更多
2017-08-23
145 瀏覽
係10號風球嘅前夕，我哋親聽日放假可以玩夜少少，就嚟到呢一間係尖沙咀非常出名嘅拉麵- 武士拉麵。一坐低睇餐牌，已經見到有好多唔同款式嘅拉麵，而且最特別嘅就係呢度有牛奶味嘅拉麵同埋有沾面！沾面真係唔係間間鋪頭都有，自從兩年前我哋喺日本食完返嚟之後已經好耐冇食過啦今次就過足呢個沾面癮！首先嚟到嘅就係呢一個地獄武士拉麵，一開始驚一個地獄拉麵會好辣，所以我同左師傅講小辣，但師傅同我講唔使擔心一定唔會好辣，包你食到！一嚟到就聞到陣陣嘅辛辣香味，我習慣先飲下啲湯，十分之正！！！帶動左成個面嘅口感同味道出晒嚟，鍾意食辣嘅朋友一定唔可以錯過。之後就黎到呢一個武士沾面，沾面嘅食法好唔同，係將啲面夾落個濃湯度再食，呢一個食法會令到啲面更加彈牙，亦都啱女仔，因為女仔食嘢唔係太快，可以慢慢享受個面，唔好俾個面吸晒啲湯。我覺得今次沾面反而係個面比個湯更出色，因為個面係轉咗做粗麵，令到個面更富口感，而將個面放落個湯嘅時候，湯仲係熱辣辣！超級濃嘅魚介味，我呢啲鍾意食濃味嘢人真係連個湯都飲埋！餐廳內亦都有唔同嘅調味品可以配合返自己嘅口味，更有無限嘅綠茶添飲，師傅嘅禮貌同服務亦都十分之好！
係10號風球嘅前夕，我哋親聽日放假可以玩夜少少，就嚟到呢一間係尖沙咀非常出名嘅拉麵- 武士拉麵。
一坐低睇餐牌，已經見到有好多唔同款式嘅拉麵，而且最特別嘅就係呢度有牛奶味嘅拉麵同埋有沾面！沾面真係唔係間間鋪頭都有，自從兩年前我哋喺日本食完返嚟之後已經好耐冇食過啦今次就過足呢個沾面癮！
九州地獄拉麵
$118
9 瀏覽
0 讚好
0 留言
首先嚟到嘅就係呢一個地獄武士拉麵，一開始驚一個地獄拉麵會好辣，所以我同左師傅講小辣，但師傅同我講唔使擔心一定唔會好辣，包你食到！一嚟到就聞到陣陣嘅辛辣香味，我習慣先飲下啲湯，十分之正！！！帶動左成個面嘅口感同味道出晒嚟，鍾意食辣嘅朋友一定唔可以錯過。
武士沾麵
$118
9 瀏覽
0 讚好
0 留言
之後就黎到呢一個武士沾面，沾面嘅食法好唔同，係將啲面夾落個濃湯度再食，呢一個食法會令到啲面更加彈牙，亦都啱女仔，因為女仔食嘢唔係太快，可以慢慢享受個面，唔好俾個面吸晒啲湯。我覺得今次沾面反而係個面比個湯更出色，因為個面係轉咗做粗麵，令到個面更富口感，而將個面放落個湯嘅時候，湯仲係熱辣辣！超級濃嘅魚介味，我呢啲鍾意食濃味嘢人真係連個湯都飲埋！
餐廳內亦都有唔同嘅調味品可以配合返自己嘅口味，更有無限嘅綠茶添飲，師傅嘅禮貌同服務亦都十分之好！
張貼
