影片
更多
2020-09-12
366 瀏覽
愉景灣酒店附近，有一個細細地嘅廣場，兩邊都有10間以內嘅餐廳，規模比碼頭嘅餐廳細，但係如果住愉景灣酒店嘅話唔使搭車近近地都不失為一個選擇。廣場裏邊有間越南餐廳，比其他餐廳都算新，我就入咗去食，點菜嘅時候見到有越南蛋餅，好似比較少喺出邊嘅越南餐廳嗰度見到，所以就打算叫嚟一試。我揀咗安格斯牛肉餡同小辣，蛋餅一到，香氣四溢，賣相甚佳，薄薄一層蛋餅見到豐富而香味濃郁嘅肉餡。擺入口中，微辣刺激嘅感覺，配合條好味嘅牛肉同埋雞蛋，口感同層次都夾得啱啱好，簡直齒頰留香。豬頸肉米紙卷，不過不失，冇咩特別野值得推介。最令人失望嘅係佢嘅招牌雞翼， Menu上邊寫明係signature dish，但係嚟到嘅時候雞翼好似發育不良，又細又冇肉，食落口度嫵媚冇味，肉質又硬，好似炸過龍一樣。另外叫咗個蜆肉炒河粉，賣相係幾靚，但係味道就普通。因為個蛋餅實在太好食，食完其他嘢之後，都係希望追加一轉，今次都係叫小辣，但係轉咗個餡做普通牛肉，雖然蛋餅同餡料都一樣好味，但係始終都係安格斯牛肉好味啲。呢個蛋餅實在值得山長水遠再入去食多一次。，
廣場裏邊有間越南餐廳，比其他餐廳都算新，我就入咗去食，點菜嘅時候見到有越南蛋餅，好似比較少喺出邊嘅越南餐廳嗰度見到，所以就打算叫嚟一試。我揀咗安格斯牛肉餡同小辣，蛋餅一到，香氣四溢，賣相甚佳，薄薄一層蛋餅見到豐富而香味濃郁嘅肉餡。擺入口中，微辣刺激嘅感覺，配合條好味嘅牛肉同埋雞蛋，口感同層次都夾得啱啱好，簡直齒頰留香。
豬頸肉米紙卷，不過不失，冇咩特別野值得推介。
最令人失望嘅係佢嘅招牌雞翼， Menu上邊寫明係signature dish，但係嚟到嘅時候雞翼好似發育不良，又細又冇肉，食落口度嫵媚冇味，肉質又硬，好似炸過龍一樣。
另外叫咗個蜆肉炒河粉，賣相係幾靚，但係味道就普通。
因為個蛋餅實在太好食，食完其他嘢之後，都係希望追加一轉，今次都係叫小辣，但係轉咗個餡做普通牛肉，雖然蛋餅同餡料都一樣好味，但係始終都係安格斯牛肉好味啲。呢個蛋餅實在值得山長水遠再入去食多一次。
，
張貼
