The Brew Job Coffee (已結業)

星期日去大角咀睇露營展，睇完展覽當然要去附近嘆嘆coffee, 而家奧運站A1出來果幾絛舊街，都開咗好多特色食肆同coffee shop ,今次就揀左呢間試下，揀佢嘅原因係因為佢個裝修好似台北嘅coffee shop, 而我對台北嘅coffee shop又特別鐘愛，此店門口有幾個位，非常之正，但今日有D熱，都係坐返室內好啲，餐廳唔大，得四、五張枱，但環境好chill, 好relaxing,播D歌又正，真係好啱weekend 同fd嚟chit chat 下，而且佢嘅咖啡，非常之good，我叫咗凍cappucino, 咖啡豆好香，店入仲有佢地嘅咖啡粉賣，下次天氣無咁熱嘅話，一定會試下佢嘅熱咖啡。。餐廳環境簡單但舒適，同朋友望著街傾下計好正。除咗咖啡外，仲有小食供應，有cake, sandwiches 同 bagel, 味道唔錯好香咖啡豆味，呢杯係朋友嘅Iced latte店外坐位有唔少人坐低影下相。