上海姑娘 (已結業)

因為恆生咭的原因, 所以選左上海姑娘試試, 點知, 因人太多, 佢叫左我地2個人去坐隔離恆香棧間野坐底, 其實坐在恆香棧我都無咩意見, 最大問題係, 你叫恆香棧的伙記落order, 佢地會答你"吓, 你叫上海姑娘的菜, 我唔識落單bor, 要叫番上海姑娘的人先知bor" 真係"小你啦吧". 係你地的reception 安排, 唔識做就唔好叫人入去坐啞嗎. 我地叫左醉乳鴒, 時魚, 富貴雞, 酒嚷丸子, 雷沙湯丸. 我地等到頭盤上來, 連茶同碗筷都未有. 恆香棧的人可以當你透明, 完全唔理. 仲有嗰隻富貴雞間直連酒樓的糯米雞都不如, 正價要$190, 諗住半價後都唔會差成咁, 點知見到佢放底隻荷葉包雞, 入面得1/4隻雞+少少冬菇絲同炸菜絲. 人地糯米雞都有d米頂下肚. 間直不知所謂.