郎田日本料理 (已結業)

難得一日同老公出去食飯,放一日假唔湊仔~ 就諗住出旺角食放題,因為太耐冇出旺角,所以打電話問左FD有乜好介紹,佢建議左呢間,同埋雅蘭隔離5樓果間.我地冇BOOK位下選擇WALK-IN5樓果間,.點知冇位,要等多1個鐘.但係我太懶喇~ 最後就走左去歐美廣場呢間,因為唔駛等~去到果度第一印象係好普通.同埋冇乜選擇.睇過之前食評D人話廁所污糟,我死忍爛忍都唔去~ 哈!講番食物:刺身 - 因為我只係食三文魚,同埋我老公係唔食生野,所以叫得好少,但都OK~ 我見其他客人叫多款的會有冰鎮,賣相唔錯~壽司 - 三文魚壽司一放低個樣好肉酸,三文魚穿O,又腥,好鬼難食,其他熟的旦,腐皮都OK~手卷 - 一般串燒 - 佢每樣野都係獨立黎,同埋要等好耐,不過睇得出佢係即燒,所以等耐少少都冇所謂,係有D到喉唔到肺啫~炸物 - 天婦羅蝦同埋蝦餅真係好正,熱辣辣,我食左好多,叫完又叫~ 蝦餅有驚喜,真係彈牙~ 其他炸物都好好~ 夠熱~燒物 - 食左鯖魚,都OK~ 飲品 - 罐裝可樂,七喜,烏龍茶,喜力任飲,都算係咁~ 我當初以為出汽水機咋~雪糕 - 普普通通,有四種味道 (芝蔴,綠茶,朱古力,曲奇)總括都唔係食好