富都餐廳

營業中

休息中

繼疫情時外賣嘅等待經歷，諗住而家應該會好啲，再試一次外賣自取，結果又一次自討苦吃。晚上八點零五點餐，兩個套餐連盒錢共$178，等等等，八點二十五分先有得攞。餐廳嘅習慣係煮咗比堂食嘅客人先，外賣嘅客人就由得佢哋等到發霉，因為已經比左錢，外賣客人被迫等待，堂食客未俾錢，所以要招呼佢哋先。點解出餐唔係先入先出嘅呢？食物偏咸，中湯更咸，飲完兩口就要飲水，可能係水尾關係，所以要落重鹽。我唔知堂食嘅質素如何，但係都係嗰句：千祈唔好叫外賣，除非你預咗等半個鐘啦。