京都一の傳

點咗個金閣2人餐，用壽喜鍋做湯底，外表睇落唔錯，和牛肉眼都好ok，但一食落，個湯底超咸，越食越咸，簡直係飲豉油一樣，完全冇壽喜鍋應有嘅甜味，我哋加咗半鍋水，諗住溝淡啲，但都係冇用，最後食到烏冬，真係完全搞唔掂，咸到離晒譜，隔離兩枱都係食壽喜鍋，個個都話好咸，大家都係嗌加水，聽到其中一枱話「好咸！呢間可以 blacklist!!」我好想附和，我都真係唔會再嚟！仲有，我8點入座，9點last order，最遲可以坐到9點半，但如果你係食鍋，尤其係壽喜鍋，就一定食唔切，因為個湯咸到你不停要飲水，咸到要食吓透吓，先可以繼續食到落去，仲要冷氣唔夠，客未走就開始熄冷氣，想同friend暢談嘅話，千祈唔好揀呢間。