影片
更多
2016-01-13
679 瀏覽
羅麥記應該算係一間升級咗嘅茶餐廳。叫咗三樣嘢。奶茶，呢啲茶餐廳招牌嘢點可以唔試返杯。其實我真係唔知咩叫做一杯好飲嘅奶茶，因為我真係好少飲。雖然唔識評，不過呢一杯應該都ok嘅，幾濃郁，無話啲茶好澀，起碼我咁少飲奶茶，又唔特別好嘅人唔會覺得難飲，同埋覺得係一杯足料嘅奶茶。另一樣係腐乳雞肉撈丁，腐乳撈丁，孤陋寡聞嘅我第一次見，就梗係試試啦。其實都真係嘅唔錯，腐乳味唔會話好勁，質感有啲似忌廉汁撈丁，係少少creamy嘅口感，不過就乾身咗少少，我都明撈丁嘛，不過濕少少會好啲，家下係乾到啲麵會痴埋一齊，一餅咁。份量都ok架，都有幾多雞肉，足料！最後就係麵包焗豬扒飯，其實叫佢都係貪得意，不過淨係會叫一次，下次唔會。 唔好誤會，唔係唔好食，只係個人對麵包送飯呢家嘢真係感覺麻麻。同埋真係會幾飽架，一個麵包焗飯絕對會夠兩個人食，又食包又食飯，想唔飽都難。味道其實係幾好食，最欣賞係佢唔會得面頭有汁，佢入面嘅炒飯都有汁，唔會食咗面頭個啲，入面就剩得白炒飯。個包都好香脆架，其實唔叫包飯，佢番個麵包咖喱應該唔錯，不過我唔記得佢有冇呢樣叫。至於豬扒，都ok嘅，唔會硬掘掘，同埋有5快咁多，所以真係夠兩個人分架。我會再
叫咗三樣嘢。
奶茶，呢啲茶餐廳招牌嘢點可以唔試返杯。其實我真係唔知咩叫做一杯好飲嘅奶茶，因為我真係好少飲。雖然唔識評，不過呢一杯應該都ok嘅，幾濃郁，無話啲茶好澀，起碼我咁少飲奶茶，又唔特別好嘅人唔會覺得難飲，同埋覺得係一杯足料嘅奶茶。
另一樣係腐乳雞肉撈丁，腐乳撈丁，孤陋寡聞嘅我第一次見，就梗係試試啦。其實都真係嘅唔錯，腐乳味唔會話好勁，質感有啲似忌廉汁撈丁，係少少creamy嘅口感，不過就乾身咗少少，我都明撈丁嘛，不過濕少少會好啲，家下係乾到啲麵會痴埋一齊，一餅咁。份量都ok架，都有幾多雞肉，足料！
最後就係麵包焗豬扒飯，其實叫佢都係貪得意，不過淨係會叫一次，下次唔會。 唔好誤會，唔係唔好食，只係個人對麵包送飯呢家嘢真係感覺麻麻。同埋真係會幾飽架，一個麵包焗飯絕對會夠兩個人食，又食包又食飯，想唔飽都難。味道其實係幾好食，最欣賞係佢唔會得面頭有汁，佢入面嘅炒飯都有汁，唔會食咗面頭個啲，入面就剩得白炒飯。個包都好香脆架，其實唔叫包飯，佢番個麵包咖喱應該唔錯，不過我唔記得佢有冇呢樣叫。至於豬扒，都ok嘅，唔會硬掘掘，同埋有5快咁多，所以真係夠兩個人分架。
我會再去羅麥記，不過下次就嘗試沙嗲牛肉包同其他撈丁嘞。
張貼
