Ohlalagout

營業中

休息中

真係好多人升職，又有餅食啦，今次同事請大家食呢間嘅tarts，又係我未食過嘅鋪頭。佢出名成閃電泡芙／法式葡撻／三文治牛角包。全部都係酥皮撻，由細到大都鐘意酥皮多過曲奇撻，鬆鬆脆脆，好吸引。我揀咗士多啤梨葡撻，面頭鋪滿士多啤梨醬，果肉滿滿，仲灑上雪花咁嘅糖粉，睇到都流口水。撻皮鬆脆香甜，士多啤梨醬酸甜可口，個味道好夾。缺點係得一件唔多够喉咁囉。其實佢嗰肉桂蘋果撻都好吸引，下次可能自己買來食下，當時都心大心細，士多啤梨好定蘋果好呢？最終都係揀咗靚靚士多啤梨撻。