龍驤 (已結業)

今日約左朋友係尖東見面，打算係附近食埋午飯，云云餐廳之中揀左位於新文華中心既日本餐廳－龍驤，因為午市有八折😱- 壽喜燒材料有肥牛、金菇、娃娃菜、豆腐同冬菇。湯底甜度恰到好處。套餐附送既茶碗蒸有驚喜，入面有蝦米同冬菇粒，表面光滑，食落非常嫩滑。- 北海道鱈場蟹肉稻庭鳥冬定食蟹肉爽甜，份量多。滑蛋湯底滲透出蟹肉既鮮甜，稻庭鳥冬口感滑溜，同滑蛋湯底如出一轍。定食套餐一樣包埋茶碗蒸，另外仲附送腐皮壽司，味道甜甜，非常飽肚。- 煎軟骨餃子餡料加咗雞軟骨，有咬口之餘同時煎得非常香脆，最緊要係煎得唔油膩👍🏻。另外醬汁唔係平時嘅醋，辣辣地幾好味。我誠意推介龍驤俾尖東打工既朋友仔，食物質素高，價錢合理，服務又好貼心。