御の味 (已結業)

呢排工作忙碌，同事們建議team lunch去食好味道，又想食日本菜。上網搵咗附近嘅日本餐廳，發現呢間主打係做廚師發辦，但係午市都提供套餐。我叫咗碎蔥吞拿魚腩魚生飯。套餐仲有前菜，沙律，燉蛋同埋烏冬，好多嘢食，仲有一杯餐飲添。前菜同沙律味道好正常，沙律份量足。燉蛋我一向麻麻，所以都無乜特別comment。烏冬清清地，煙煙靱靱幾有口感，好彩唔係好大碗，唔係食唔晒。主菜係碎蔥吞拿魚腩魚生飯，D吞拿魚腩幾新鮮，唔會有腥味。撈埋蔥一齊食好香，加少少wasabi同豉油好快就食晒碗飯。