牛繁 (MW Plaza) (已結業)

好耐冇食燒肉，今日嚟到尖沙咀嘅牛繁，見到有午市燒肉套餐，一於試吓。特選薄切牛肩胛片套餐牛肩胛片肉質較為結實，薄切韓燒就最啱，可以話係入口即溶。醃料揀咗秘製醬汁，甜甜地嘅醬油味，唔會掩蓋牛肉本身嘅牛味，十分出色。元氣牛小排套餐牛小排即係平時叫開牛仔骨嘅部位，油花較多但分布均勻，切割較為厚身，令到食落更有口感。除咗骨頭附近嘅位置，整體筋膜少肉質細緻軟嫩多汁。追加 日本雞三角雞三角原來都係雞軟骨嘅一種，形狀係三角形，軟骨部分較多，食落香脆可口。揀咗味噌醬，鹹中帶甜濃淡適中，但加咗醃料容易燒燶，要份外小心。每個套餐仲有前菜、飯、麵豉湯同大大杯烏龍茶，飯仲可以升級做溫泉蛋飯、茶漬飯、冷麵等，選擇眾多適合唔同喜好嘅人。