影片
更多
2022-07-23
418 瀏覽
葡國菜喺黃埔同紅磡呢頭相對地講比較少見，見到開咗間葡國菜，去試試睇吓有無喺葡萄牙🇵🇹食過嘅味道先🤪-當日去到午市套餐有14款可以揀，每款配任食自助沙律吧、餐湯（南瓜湯）、果茶。（免收加一）食咗：▪️葡國四重芝士烤夾歐包 $78：切開兩大嚿，四重芝士比較膩，一次過食唔晒，揸包拎走做第二餐。▪️葡萄牙巴馬火腿黑松露卡邦尼扁意粉 $88：係加咗巴馬火腿嘅卡邦尼，用扁意粉更掛汁。▪️煎鱸魚柳粟米汁葡國燉飯 $98：鱸魚有兩件，夠送晒成兜粟米汁燉飯，飽肚之選。▪️黑椒草飼牛扒配煎蛋薯條 $98 （每日優惠餐）:見係星期一嘅優惠套餐，同場又有唔少人食，都叫返份扒食。不過肉質本身比較韌，要夾埋隻煎太陽蛋食。薯條有一執。-沙律吧離不開沙粟米、沙律菜、雜果等，可以夾一碗，食住等。送嘅水果茶都比想像中高質，隻匙羹仲係櫻花型。整體嚟講覺得食物味道ok，有落心機喺餐具到。
-
當日去到午市套餐有14款可以揀，每款配任食自助沙律吧、餐湯（南瓜湯）、果茶。（免收加一）
食咗：
▪️葡國四重芝士烤夾歐包 $78：切開兩大嚿，四重芝士比較膩，一次過食唔晒，揸包拎走做第二餐。
▪️葡萄牙巴馬火腿黑松露卡邦尼扁意粉 $88：係加咗巴馬火腿嘅卡邦尼，用扁意粉更掛汁。
▪️煎鱸魚柳粟米汁葡國燉飯 $98：鱸魚有兩件，夠送晒成兜粟米汁燉飯，飽肚之選。
▪️黑椒草飼牛扒配煎蛋薯條 $98 （每日優惠餐）:見係星期一嘅優惠套餐，同場又有唔少人食，都叫返份扒食。不過肉質本身比較韌，要夾埋隻煎太陽蛋食。薯條有一執。
-
沙律吧離不開沙粟米、沙律菜、雜果等，可以夾一碗，食住等。
送嘅水果茶都比想像中高質，隻匙羹仲係櫻花型。
整體嚟講覺得食物味道ok，有落心機喺餐具到。
張貼
