大瀛喜日本料理 (已結業)

心血來潮想食放題，就揀左一間未試過既。根據過往經驗，午市放題有3小時，可以慢慢食，唔需要咁chu 食物款式同質素都同一般放題差不多。比較好味既有：一口牛(唔會un)，豉椒炒蜆(都幾大隻又無沙，炒得入味，夠辣)，青口(都算大隻)，炒海蝦，蒲燒鰻魚。至於刺身，海膽手卷，芝麻雞翼，香芋丸，一口芝士，辣酒煮花螺，燒扇貝，蝦串燒，燒雞翼，帆立貝，天婦羅就正常。甜品類食左豆腐花，雪糕，乳酪，正常。糥米糍只有朱古力一種味道，唔好味，如果有雲呢拿芒果綠茶等味道就更好。不過自取既甜品種類相對其他放題就較少，自家製既只對心太軟有興趣 (放題比較少見到有)，雖然都無乜流心，但勝在熱辣辣，蛋糕軟熟，頗濃既朱古力味，食左2件 (雖然無乜賣相可言)飲品選擇都算多，另有枝裝水提供。想批評既係壽司飯太爛太實，食左一轉就無再叫不過海膽手卷都食左幾件。整體而言，性價比ok，都無乜漏單，可以再試。