影片
更多
2021-12-22
94 瀏覽
約左人係朗屏站呢邊食lunch，見天氣涼左咁多，朋友提議去打邊爐，都好喎，近近地就食牛知己啦。揀左最經濟嘅澳洲牛+海鮮放題，$268/位，午市減$50，價錢大眾化啦。差不多兩點先黎到，店員提醒截單時間係15:00，但落場就係16:00，除左肉同海鮮，其他都係自助區到拎，咁早啲落定想食嘅野先。飲品去雪櫃自取，有汽水，啤酒，罐裝茶等，仲有熱水機同茶包，想飲唔凍嘅罐裝飲品都可以同店員講。湯底有幾款選擇，我地揀左唔使加錢嘅昆布湯，個鍋入面好多海帶呀～先送上頭盤海鮮，呢幾樣都可以無限添加的，蝦好爽好鮮味喎，青口同墨魚仔都好食。左邊係牛肉，右邊就係豬肉，店員無講係邊一款牛/豬肉，不過兩款質素都唔錯，嫩滑無渣。追加的牛，我估呢碟係牛肩肉？都好有牛肉味，好味好味。另一款應該係美國牛肉？呢碟就肥少少，食落都好嫩滑唔差呀。牛肉一淥就熟，密密食好滿足。豬肉片都好滑，唔比牛差喎，兩種肉都好食。仲叫左墨魚滑同午餐肉，其實午餐肉打邊爐都幾好食，呢幾片都係厚切幾正，無咁易散。自助區有菜，丸，腸仔，雜菇等，食左咁多肉就攞一盤菜食下先，菜有皇帝菜，羽衣甘藍，娃娃菜同唐生菜，先攞堆羽衣甘藍，呢隻菜吸左牛油特別好味。食飽飽
揀左最經濟嘅澳洲牛+海鮮放題，$268/位，午市減$50，價錢大眾化啦。
差不多兩點先黎到，店員提醒截單時間係15:00，但落場就係16:00，除左肉同海鮮，其他都係自助區到拎，咁早啲落定想食嘅野先。
飲品去雪櫃自取，有汽水，啤酒，罐裝茶等，仲有熱水機同茶包，想飲唔凍嘅罐裝飲品都可以同店員講。
湯底有幾款選擇，我地揀左唔使加錢嘅昆布湯，個鍋入面好多海帶呀～
先送上頭盤海鮮，呢幾樣都可以無限添加的，蝦好爽好鮮味喎，青口同墨魚仔都好食。
左邊係牛肉，右邊就係豬肉，店員無講係邊一款牛/豬肉，不過兩款質素都唔錯，嫩滑無渣。
追加的牛，我估呢碟係牛肩肉？都好有牛肉味，好味好味。
另一款應該係美國牛肉？呢碟就肥少少，食落都好嫩滑唔差呀。
牛肉一淥就熟，密密食好滿足。
豬肉片都好滑，唔比牛差喎，兩種肉都好食。
仲叫左墨魚滑同午餐肉，其實午餐肉打邊爐都幾好食，呢幾片都係厚切幾正，無咁易散。
自助區有菜，丸，腸仔，雜菇等，食左咁多肉就攞一盤菜食下先，菜有皇帝菜，羽衣甘藍，娃娃菜同唐生菜，先攞堆羽衣甘藍，呢隻菜吸左牛油特別好味。
食飽飽就唔少得食埋甜品，午市有雪糕機同豆腐花，雪糕有乳酪味同朱古力味，個朱古力超濃郁，乳酪味酸酸地都好食，個肚仲食得落就梗係要食晒兩款味啦。好味好味，冬天打邊爐特別滿足。
張貼
