JK Brother’s (已結業)

傳聞呢間火鍋店好抵食, 當日就約左朋友黎試佢既午市火鍋。$88再加一可以食兩個鐘, 價錢幾抵。驚walk in 會冇位所以就一早上網BOOK定, 但當日唔算多人, 坐左大約鋪頭既一半枱。一揀完個湯底(我地揀壽喜燒湯)就即刻出去拎配料同小食。俾我地拎到呢度出名既牛角包應該係新鮮出爐好香脆, 餐廳寫明每位一個限拎一個牛角包, 不過在場好多人都唔止拎一個炸物佢冇介紹係咩, 所以我地每款都拎一粒試下。最特別有一款係炸香蕉糕, 真係第一次咁食, 但香蕉糕偏甜, 食半粒已經好夠。見D丸, 菜都熟, 我地就食啦, 點知個湯底勁咸完全係豉油味, 搞到全部配料都係得個咸味, 食唔到食物原有既味道, 完全係浪費左D野食。如果揀其他湯底, 我地應該會食到多D野。另外牛肉雖然話可以任叫, 但上完第一碟肥牛, 想再叫既時候, 你係唔見有職員。過左一個鐘之後, 職員就主動每枱上多碟肥牛, 其實同限量冇分別。