沖繩二段料理 (曉悅)

營業中

休息中

朋友問點解咁鍾意去長沙灣食嘢，無他嘅就係小店多。橫街窄巷無數，所以孕育咗唔少可以坐落地舖嘅小店。今次試嘅係沖繩二段料理其實同朋友食過幾次，平均質素都幾穩定，而且會keep住update個Menu，都俾到我哋新鮮感，所以我地間唔時就會去食，都試吓喺度推薦俾大家。蜜糖芥末雞香脆juicy😋⭐️⭐️⭐️⭐️/5首先係蜜糖芥末雞，一如以往嘅大份，而且炸得好脆。有時出面食，如果啲汁令到炸物變軟變腍就爭好遠，最怕呢啲。但係呢度係香脆嘅，咬落去仲juicy，雞肉都算嫩。加埋個汁都幾鮮甜，濃淡適中，掛上去啲炸雞度剛剛好。最驚喜嘅係好多洋蔥，索埋啲汁，簡直一絕。蕃茄芝士飯⭐️⭐️⭐️/5呢度嘅飯類似意大利米，好索汁。佢芝士同蕃茄汁都豐富嘅，幾惹味，亦都同炸雞好匹配。只係今次略嫌煮得耐。之前都好好，希望店家留意啦😎。整體而言雞塊大份多汁，飯雖淋了點，但可接受。最重要係選擇多樣！意粉烏冬燉飯一應俱全，甜品亦唔錯🍮，算性價比高，係附近上班族嘅好選擇。