泰 (銅鑼灣廣場二期) (已結業)

泰式蝦肉炒金邊粉 $88 其實即係Pad Thai，有四隻爽口大蝦，金邊粉口感味道剛好，好味。黃咖喱牛肋條配白飯 $88 上枱望落淨係得咖喱雜菜，以為落錯單定上錯食物，原來四條牛肋條響底，可惜完全唔入味又唔夠腍，失望。不過好多蔬菜係值得一讚，而且咖喱椰香味濃。午餐配茶飲，另外加份脆炸蝦餅 $28 外層香脆，咬到有一粒粒蝦肉，幾結實，唔錯。平日午市竟然唔Full，不過我都有經Openrice訂座，因為有優惠折扣，其實整體食物都不過不失，坐得幾舒服。