尚點 小籠包.上海麵館 (置富第一城) (已結業)

中午行過搵地方食午餐，，見呢間唔使排隊可以直接入去，一於試下午市套餐睇吓好唔好食先。個套餐都幾多嘢食，有一個前菜，有一個主菜，同埋嘢飲。一行兩人叫咗兩個套餐，前菜分別要咗涼拌粉皮同埋蒜香四季豆，蒜香四季豆係好香嘅好惹味，涼拌粉皮就淡左少少。主菜叫咗一個嫩雞煨面，同埋一個三鮮湯年糕，個麵幾好味，叫做鮮甜，但係菜多個雞。至於個湯年糕，有好濃郁嘅金華火腿味道，個湯底好好味，但係啲年糕都唔係好多。加咗$12叫咗一個鍋貼，正正常常冇咩特別。飲品叫咗杯凍酸梅湯，味道有少少怪，唔識形容。