鮨樂 (加連威大廈)

營業中

休息中

上星期四出尖沙咀工作，早攪掂去食個靚lunch。響尖沙咀是但食個麵都幾十蚊，咁不如俾多少少食靚啲食好啲。響THE ONE對面街嘅鮨樂，我入座時大約12點仲早，所以個場比較清優，同場仲有2-3枱，都係內地客。揀咗午市嘅雜錦刺身飯，貪乜都有啲唔使唸。套餐有前菜，雜菜沙律，沙律菜新鮮爽脆，值得一讚，沙律汁唔係普通現成醬汁，配合得好好。味噌湯，有好多海帶，熱熱飲落好舒服。雜錦刺身飯，共有6款刺身各1件，大家都係厚切，份量十足，新鮮鮮甜。飯應該溝咗赤醋，所以飯紅紅啡啡的，但略嫌偏酸，有啲搶過刺身，唔係太啱我口味。甜品有雪糕，我揀咗雲尼拿味。個碗好靚，少少一球好滿足。