泰園 (已結業)

好耐冇食過泰園， 行過見到7折，好抵。其實佢既lunch唔係貴， 又多選擇， 味道都唔錯， 太耐冇食係因為公司附近有間新曼谷。上到去爆曬場， 岩岩好有人走先有位食。兩個餐牌大概共有15個選擇， 包一杯熱飲同湯， 今次叫一過未食過既豬頸肉炒粉絲。好足料Wo， 勁大碟。粉絲炒得偏濕， 林林地， 但仍然有鑊氣。豬頸肉有燒過， 肥瘦適中， 爽口有肉汁。 另外配料有蛋有蘿蔔， 芽菜， 感覺好健康。餐飲熱奶茶， 勁濃， 似泰式奶茶， 我落左1／3包糖已經甜過龍。 餐湯清清地， 幾好味。趁有7折不妨叫d貴野試下。