牛涮鍋 (已結業)

工作繁忙，每次有點時間食個豐富lunch都會想起到牛涮鍋，只$68就可食個夠。食得飽足又好味，而且還可感覺健康的吃點蔬菜。更重要是本身lunch打邊爐係crazy的做法，但如果係牛涮鍋又似乎無問題，更甚是理所當然。每次lunch可與好同事們大拆一餐，賞心樂事也！Lunch也可叫雙拼鍋，不用加錢。配菜選擇多，單是菜已好幾種：菠菜，生菜，油麥菜，娃娃菜，瓜果類亦多：翠玉瓜，紅蘿蔔，白蘿蔔，洋蔥，大蔥，粟米，新鮮甜美。另有一般邊爐選擇：丸類幾款（每次有所不同，亦不是一般常見丸類），豆腐，芋絲，年糕，日本餃子（好好味，推介），脆皮腸。飽肚的有烏冬，拉麵，更有炒飯白飯........選擇眾多，就算大食積如我，每樣一兩粒都已很足夠。今次叫牛豬拼，除非食貴價靚牛，否則個人認為這裏豬肉比牛肉更好吃。而貴牛留待晚市或午市90分鐘（無限添）才吃吧。本人很怕肥肉的，下單時可要求“瘦啲“，當然喜歡肥美肉食的，亦可按喜好要求。飽飽仲有軟雪糕作甜品，亦有任飲果汁汽水。每次都非常滿足離開。