牛涮鍋もっと (已結業)

午市放題！因為晚市無得打邊爐，所以就唯有中午食過過癮，麻辣湯底超正！叫左美州牛胸腹放題，開頭第一次佢拎上嚟嘅牛肉雞肉同豬肉質素都比較高～牛肉味重有牛味，質地都幾好，唔會鞋同韌。之後再點就覺得牛味冇第一盤咁重～佢另外有啲套餐係$70到，但係就只有一盤肉，唔係肉任點，補多少少錢有任食當然更加好啦！呢一間嘢飲方面最鍾意就係梳打水一半再加一半果汁，冇咁甜得來又清爽健康！蔬菜選擇都多，但係比較常見嘅丸類就好少，豬肉丸、海膽丸個啲都無，大概五款到～午市來講呢一個價錢同食物質素都唔錯，都冇乜嘢要求，如果可以有更加多其他小食選擇就更加好啦！