峰壽司 (已結業)

平均每一至二星期都會有一次嚟呢邊食午餐，除咗貪佢座位坐得舒服之外，最重要係佢有迴轉帶列車送壽司。小朋友每次見到都好開心。雜錦刺身飯，配烏冬同沙律。刺身切得比較薄，但都算幾新鮮。三文魚丼散叫，剌身切得好厚，咬落有是感。配合埋三文魚籽食好鮮甜。推介大家叫呢個。麵豉湯熱辣辣，入面有鳴門卷，海帶同油楊豆腐，好多料！散叫左炙燒三文魚🍣我的最愛呀，燒到好香，入口即溶。玉子同蟹柳壽司不過不失，但係今日師傅重手左，啲壽司飯好酸。鵝肝厚切，燒到表面脆卜卜。