Oliva (已結業)

o係大埔做野咁耐，今日第一次出o黎市中心食飯。餐廳環境的確o係大埔罕見，但同外面環境有d格格不入，餐廳內雖然樓底高，不過都幾嘈，逼住要大聲講野。餐前包預先擺晒o係度，但要叫d waiters 先識拎balsamic vinegar 同olive oil o黎，湯未飲完，包未食完，主菜就o黎，所以，個主菜都好快凍。湯o係雜菜湯，味道有別於一般，但完全唔夠熱，所以唔好飲。主菜o係鴨絲甚麼汁扁意粉，鴨絲完全唔o係絲，好似煙鴨胸多d，又幾肥下。個sauce 幾爽，o岩我，扁意粉亦al dente，但好快凍晒，食落無乜癮，於是淨半碟，唉。其實佢果碟野o既份量，兩個人share 都得。再加個tiramisu，個樣好"四正"，食落夠滑，又唔硬，又唔太濕，芝士同咖啡味都好出，且擦出不俗火花，唯酒味欠奉，點都有d失望。埋單每人六十，其實好抵，比喊面好似太hasrh。不過，dinner o黎可能好d。