柳氏家 (已結業)

之前喺韓國讀書間唔中都會去柳氏家食炒辣雞，聽到黎左香港開分店都幾興奮，今次黎左食lunch 嘗試搵番喺韓國既味道😀午餐有分60同90分鐘，我地揀左90分鐘想慢慢食冇咁急。有四款口味可選，本身唔算食得辣但又想搵番韓國既味道，就揀左柳氏家辣炒雞，兩隻辣椒既辣度🌶🌶見到加多$10就可以食埋鐵板火鍋😍亮點係無限次追加拉麵等配料😂咁抵就梗係加埋啦！火鍋湯底都係揀番辣湯，今日突然凍番食辣最岩呀😆落完單急不及待去自助區攞野食喇！淨係飲品都有咁多款，樣樣都想飲呀！隔黎既雪糕櫃又係令人感到興奮😍自助美食區有好多野食呀！有炒粉絲、泡菜炒五花肉、炸餃子、雞翼等，好豐富，樣樣都中意食，拎拎下拎左一大碟😂炒辣雞既材料好快就準備好，店員會幫忙炒嫁，我地專心食拎番黎既野食😂店員炒左7-8分鐘左右就熄火，香噴噴既辣雞就食得喇😝雞肉好嫩，其實韓國辣椒醬真係唔係勁辣果種，仲帶有少少甜，好好味。年糕吸左醬汁好正！食完雞我地就示意想轉火鍋喇！倒入特製辣湯同各種材料，好快就滾起食得。韓國拉麵真係好味，食完勁暖胃同大滿足！