DOSE (已結業)

今日天氣終於變好，有久違既太陽、天氣雖然熱，但總比濕濕既雨天好。順住威靈頓街一直行，喺PMQ附近既斜路就终於到達餐廳。中午午餐menu 包括餐湯或沙津、主菜和咖啡，價錢由$78- 98。因為好耐無食過Burger，我諗都唔使諗就點左cheese burger, 餐湯 （粟米湯）及cappuccino 。好快，大約5分鐘左右就送上，賣相非常好，加了不少香草和Extra Virgin Olive Oil在湯面，口感很有層次，很少見有咁好飲既湯。Cheese burger亦在我飲完湯之後，就很快送上。承載食物既器具非常特別，有如chopping board，另有一個籃裝著薯條🍟。Burger中塊肉似係自己mix既，很有質感，加上野菜、沙律醬、芝士，好滿足。薯條好香脆、又以黑楜椒、鹽來調味，好食。最後，不得不提店裏的咖啡☕️，cappuccino 以中國風味的杯子裝住，圖案似一幅畫般精美，咖啡細滑、泡沫豐密，有淡淡果香、一啲都唔苦，實在是一杯好飲的咖啡。服務、餐廳都幾好。唯一美中不足的是冷氣唔夠、夏天有點熱, 希望涼爽一點，亦期望新增如一大碟沙律🥗等適合夏天既菜式。