新麻蒲 BBQ (波斯富街) (已結業)

熱辣辣既天氣，真係行多步都唔想呀！晏晝行左陣街就搵同朋友嘆番個lunch回一回氣！通常黎依間餐廳都係一班朋友食晚飯，晏就時段黎食都係第一次。想不到午市套餐抵食又多選擇！Order左特選午市套餐，套餐包括有霜降牛肉、牛肋排、護心肉、五花肉及什菇，非常豐富。等待套餐上檯前，店員已經預先奉上前菜，前菜既份量都幾多唷！套餐除左有肉同肉同肉之外，仲配有紫菜飯，食完真係飽到上心口呀！五花肉又大件，又肥美，肉質滑嫩，質素絕不比霜降牛肉遜色呀！霜降牛肉脂肪分佈平均，入口肉味濃郁，肉味非常香。套餐仲有海鮮大醬汁，點埋加多了一份鹹鮮味。另外，再追加了一份春串辣雞。雞肉醃得非常入味，辣度都好夠，愈食愈辣，愈辣愈滋味呀！