龍湖居 (已結業)

和同事去龍湖居飲茶，久不久我哋都會嚟呢度開餐，食開知道味道OK。蝦餃皇，兩粒 -中點可以剔兩粒或四粒，蝦餃皮薄，蝦夠彈牙，唔覺有肥豬肉，好味。迷你瑤柱珍珠雞-大點一碟兩隻，糯米飯夠綿軟熟，夠汁，包肚。鳳爪排骨缽仔飯缽仔細細可以分到兩碗仔，排骨差不多鋪滿飯面，排骨腍滑，米飯軟熟。脆皮鮮蝦腸- 頂點腸粉皮包住油炸鬼，油炸鬼裡面釀入蝦膠、紅蘿蔔幼條、中芹幼條，相當脆口好食，有水準。真係菠蘿包 –中點菠蘿包上面嘅皮，脆脆地，菠蘿包入邊有餡嘅，就係菠蘿肉，真正嘅菠蘿(水果)，加上菠蘿蓉醬汁，相當有趣同好食。