肉搏食堂 (已結業)

咁啱要去尖沙咀做嘢，搞完都差唔多一點，就喺附近搵嘢食。見到呢間門口放咗個餐牌有自選刺身飯價錢又唔貴，而且仲有單人位就快快腳行咗入去。好似車仔麵咁樣揀咗自己喜歡嘅食物，就落單。刺身入面除咗飯立貝比較薄身少少之外其他都合格正常，加咗$6有紫菜芝麻飯，份量都唔算少。加咗$18轉做特飲，係抹茶鮮奶，抹茶同牛奶味都好濃郁，絕對唔係求其，有驚喜！另外樓面人手唔係好夠，只有一個人落單。反而見到開放式廚房入面有三四個人。中午時間加多啲樓面人手就好啦，畢竟大家都趕住食個快飯返去工作。