影片
更多
2019-05-01
103 瀏覽
今日下晝要來元朗做野，所以早早地嚟咗元朗食咗午飯先。原來呢間鋪頭呢段時間做緊韓式湯鍋午膳，只要揀好要食嘅湯鍋，其他前菜飲品白飯甜品都係任食嘅，啱晒貪心嘅香港人。佢有宮廷人蔘湯窩但係一定要兩個人一齊嗌，為咗試多兩款唔同嘅湯鍋唯有放棄，最後揀咗排骨薯仔湯鍋同埋濟州牛丸湯鍋。呢度除咗有過咗膠嘅Menu外，其實仲有iPad俾你落單非常方便。湯鍋未到之前出咗去自助區攞啲前菜食，今日見到有牛油炒雜菌，烤番薯，韓式年糕炒腸仔，酸酸辣辣嘅木耳同蓮藕，有甜有酸有辣有咬口又爽口，極之滿意。行過仲見到好多人整雪糕食，但冇理由未食正餐食甜品，哈哈。所以順手拎多兩罐汽水就番埋位了。想提提大家，呢度有得任飲汽水，估唔到連白色罐嘅纖維可樂都有得飲，食飯之前飲番罐打底，可以減少吸收脂肪。第一個到嘅湯鍋係薯仔排骨湯鍋，十分十分之足料，有好多煲到軟晒嘅排骨，仲有大大嚿嘅薯仔，湯底有啲辣非常惹味，放入白飯一齊食，很開胃。以為叫得排骨就有骨落地，原來全部都是豬軟骨，始料不及，比個like! 另外一個鍋有幾粒濟州牛丸同肥牛，最正係仲有幾舊大嘅蘿蔔。牛丸同肥牛好味，蘿蔔食落十分清甜，非常滿意。其實個鍋都相當豐富，但念念不忘佢嘅
原來呢間鋪頭呢段時間做緊韓式湯鍋午膳，只要揀好要食嘅湯鍋，其他前菜飲品白飯甜品都係任食嘅，啱晒貪心嘅香港人。佢有宮廷人蔘湯窩但係一定要兩個人一齊嗌，為咗試多兩款唔同嘅湯鍋唯有放棄，最後揀咗排骨薯仔湯鍋同埋濟州牛丸湯鍋。呢度除咗有過咗膠嘅Menu外，其實仲有iPad俾你落單非常方便。
湯鍋未到之前出咗去自助區攞啲前菜食，今日見到有牛油炒雜菌，烤番薯，韓式年糕炒腸仔，酸酸辣辣嘅木耳同蓮藕，有甜有酸有辣有咬口又爽口，極之滿意。行過仲見到好多人整雪糕食，但冇理由未食正餐食甜品，哈哈。所以順手拎多兩罐汽水就番埋位了。想提提大家，呢度有得任飲汽水，估唔到連白色罐嘅纖維可樂都有得飲，食飯之前飲番罐打底，可以減少吸收脂肪。
第一個到嘅湯鍋係薯仔排骨湯鍋，十分十分之足料，有好多煲到軟晒嘅排骨，仲有大大嚿嘅薯仔，湯底有啲辣非常惹味，放入白飯一齊食，很開胃。以為叫得排骨就有骨落地，原來全部都是豬軟骨，始料不及，比個like!
另外一個鍋有幾粒濟州牛丸同肥牛，最正係仲有幾舊大嘅蘿蔔。牛丸同肥牛好味，蘿蔔食落十分清甜，非常滿意。
其實個鍋都相當豐富，但念念不忘佢嘅軟雪糕，最後都整咗個抹茶雪糕食，個人真心推介，綠茶雪糕再加朱古力醬，冇得彈。
因為任食，所以坐吓食吓都坐左個零鐘，食飽飽後買單去做嘢了。
張貼
