room 3

營業中

休息中

呢間餐廳嘅環境舒適，好適合朋友聚會，慢慢嘆吓嘢傾吓計。 午餐有8折優惠。我哋叫咗兩個午餐，包埋沙律、甜品同埋凍/熱日本煎茶（無糖）。 沙律新鮮爽脆，份量適中。首先係海之幸（海胆/拖羅/蟹肉/帆立貝/三文魚子）壽司TACO配日式冷烏冬$248。呢個壽司TACO好有創意！用咗脆卜卜嘅紫菜盛載新鮮嘅海膽、拖羅、蟹肉、帆立貝同三文魚子，每一款海鮮都鮮甜美味，口感豐富。另外冷烏冬，仲有溫泉蛋撈埋一齊食。另一個係燒汁白鱈魚扒配帆立貝配米飯$298。炸白鱈魚扒，魚肉嫩滑，燒汁香濃。炸帆立貝幾大粒，整體配搭特別。最後，甜品係紅豆抹茶蕨餅，甜甜的。煎茶清香解膩，幾好飲。