影片
更多
2019-09-18
81 瀏覽
之前聽朋友講蝦麵店午餐時段全單有8折優惠，今天去到荃灣做嘢，就一於去試下。午餐時段間店得好少食客，心諗有折都咁少人，會唔會中伏呢？不過行到黎就食啦，無謂再四圍走。坐下無耐，員工(暫稱為阿甲)黎到落單，好奇怪個阿甲堅持落完一個人嘅 order (要邊個麵餐，要邊款粉麵，跟那款小食同飲乜) 後先落另一個，落了幾個order 仲話要停一停，話部機唔可以一次入咁多個餐，不斷講入了一杯凍檸茶，唔知點解顯示為3杯，其實你同我講我都唔知點解，阿甲之後就行開左。轉個頭個阿甲又返黎繼續落單，落到一半另一員工(暫稱為阿乙)到來問我地係咪分單，我地講無，只係阿甲講一次入唔晒，阿乙就即時問阿甲有無同人客覆單，之後阿甲突然著晒火，話我又要落單，邊度覆到，過程都幾大聲，仲話阿乙今天一早已針對佢，話「你（阿乙）咁叻，你落埋（單）去啦」，聽到同睇到後，我地都O晒咀，喺D客前大鬧，真係第一次見。之後見到收銀員工都有過黎拉開阿甲。之後阿乙就繼續幫我地落單。不過阿甲都幾好EQ ，上食物時情緒都好平靜，態度同對住阿乙真係180度唔同。😯好，講返食物蝦肉四寶油麵配辣味蝦湯底，個湯係成碗麵的精髓，有香濃蝦味至於配餸就一般，無特別
坐下無耐，員工(暫稱為阿甲)黎到落單，好奇怪個阿甲堅持落完一個人嘅 order (要邊個麵餐，要邊款粉麵，跟那款小食同飲乜) 後先落另一個，落了幾個order 仲話要停一停，話部機唔可以一次入咁多個餐，不斷講入了一杯凍檸茶，唔知點解顯示為3杯，其實你同我講我都唔知點解，阿甲之後就行開左。
轉個頭個阿甲又返黎繼續落單，落到一半另一員工(暫稱為阿乙)到來問我地係咪分單，我地講無，只係阿甲講一次入唔晒，阿乙就即時問阿甲有無同人客覆單，之後阿甲突然著晒火，話我又要落單，邊度覆到，過程都幾大聲，仲話阿乙今天一早已針對佢，話「你（阿乙）咁叻，你落埋（單）去啦」，聽到同睇到後，我地都O晒咀，喺D客前大鬧，真係第一次見。之後見到收銀員工都有過黎拉開阿甲。
之後阿乙就繼續幫我地落單。不過阿甲都幾好EQ ，上食物時情緒都好平靜，態度同對住阿乙真係180度唔同。😯
好，講返食物
蝦肉四寶油麵配辣味蝦湯底，個湯係成碗麵的精髓，有香濃蝦味
至於配餸就一般，無特別，係貢丸叫做有豬肉味，而魚蛋，墨丸同腐角就無乜味。
至於小食就揀左拼盤，勝在樣樣有，可以試下。
豆腐由外到內都無味，雞翼炸得夠熱，食晒碗麵先食佢內裡都仲暖暖地，而雞串都尚算入味。
套餐仲包埋飲品，冷熱同價，加上有8折原本都算吸引，仲見到員工咁樣，都要過一排先再黎食啦.............
整體來說，店舖真係要好好訓練下員工，無論點都好，都唔好在人客面前鬧交，真係好影響印象。
張貼
