麥菲茶餐廳 (已結業)

每當午飯唔知食乜時，就會黎呢間食。味道同份量都OK。通常都係叫沙爹牛常餐($30) or 快餐($33)or碟頭飯。呢日就叫左快餐西冷牛扒跟意粉配茄汁羅宋湯凍檸水走甜(+$3)。食物方面:先黎西湯，酸酸甜甜、少spicy、多菜，開胃抵飲。等左3,4分鐘主菜到。扒有一塊，但size適中，$33可以接受。意粉量夠食，撈埋茄汁唔錯。配菜得3條翠玉瓜，好在羅宋湯菜料夠多。服務員都幾友善。座位亦都夠寬闊，而且多卡位，坐得幾舒服。環境都唔會太dirty，而且夠光猛。雖然叫既野都係普通茶記貨色，不過其他分數搭夠，價錢亦合理(同價去大快樂邊有咁多野食)所以一唔知食乜就會黎呢到，起碼quality有保證。