前門飯莊 (已結業)

幾鍾意嚟前門飯莊食午市套餐，一個人都可以有幾樣嘢食。套餐有一碗老火湯，今日呢個完全唔知係乜嘢，一啲湯渣都冇前菜有兩個，一個係自選嘅，我揀咗夫妻肺片，唔會好辣，但係好惹味。另一個係睇佢嗰日送乜嘢，今日呢個應該係蘿蔔，但係唔係醃酸蘿蔔，鹹鹹地，又有啲清甜，第一下唔覺得好食，但最後都成碟食晒。主菜揀咗紅燒獅子頭，上菜個樣都幾衰，啲白菜淹沒左個獅子頭，點解最後一步都唔做好佢呢？味道係好食嘅，冬菇有冬菇味，竹筍冇怪味，獅子頭唔會太軟太硬，有肉味，整體偏鹹少少，送飯一流。四寶茶要$5茶錢。埋單連加一$84.7，環境舒適，座位舒服好錯，感覺良好。