夢の丼 (已結業)

其實本來我係最想試以店名命名的夢の丼，但係竟然花錦魚生丼做緊半價😯😯搞到我掙扎好耐食邊一款，諗諗吓半價機會可能唔係成日有，所以就決定食咗花錦魚生丼先，如果好食下次再試夢の丼🙈🎈花錦魚生丼 $94（原價$188）🆓已包前菜沙律及麵豉湯三文魚，三文魚子，白身魚，赤蝦，右口魚邊，金蟹子，櫻花蝦，蟹膏豆腐，青瓜，甜蛋，玉子漬呢碗飯絕對冇因為半價而減料！d料係厚厚咁鋪滿住成碗飯，食到落底都仲有料，而且用料新鮮，簡直係物超所值👍🏻另外佢地個飯底都好好味，調左個味就咁食都好食，完全唔需要再落豉油。另外餐廳亦都係使用赤醋，我自己就覺得佢唔會好似白醋咁搶風頭，而且再多一份香味。🎈網燒安格斯牛扒定食配白飯 $168除左丼飯，其實餐廳仲有好多其他串燒、鍋物、天婦羅等等。我地就揀左個安格斯牛扒定食，牛扒配燒汁簡直又係送飯之選👍🏻👍🏻🎈柔煮鮑魚 $98/隻🎈海膽生蠔杯 $58/杯🎈深海池魚 $68/2切🎈蟹黃醬燒蟹膏豆腐 $58🎈火炙右口魚邊壽司 $28/件除咗兩個主食，我地仲試左幾樣。款款擺盤有心思，食材高質👍🏻👍🏻大家可以放心叫放心試👍🏻