Next Station Dessert (已結業)

食完飯食埋甜品就圓滿啦，見到呢間唔錯又咁岩做緊心太軟半價，就要試下佢個心太軟啦！朱古力心太軟配曲奇雪糕 ($58 / 半價後$29)，可以從4款酒(Rum, Grand Manier, Baileys, Tequila Rose) 選一款，唧入心太軟中間，waiter 介紹了配Baileys。心太軟用左54%朱古力，外面焗得脆脆，流心做得不錯，朱古力漿很濃郁，好味！可能入面已經好full，未切開之前唔太唧到酒入去，會流返出黎，切開左再唧又覺得冇咁好玩，自己又覺得一般配合，因為朱古力漿好厚感，酒就好水感，兩樣唔太撈到，專登攪勻佢又有d核突！個曲奇雪糕就唔太掂啦，冇咩味，直頭冇咩雪糕feel，好似曲奇奶水造的冰... 朱古力心太軟係好味，曲奇雪糕要改善！綠茶心太軟配野莓乳酪雪糕 ($58 / 半價後$29), 心太軟上有紅豆，切開心太軟，流心不欺場，味道可以，蛋糕沒有朱古力那個咁脆身，未算好出色，反而個野莓乳酪雪糕好好味，好香好滑！如果有朱古力心太軟配野莓乳酪雪糕就prefect 啦！依家每款都係得一半好味！