稻香 (美禧樓)

營業中

休息中

好耐無來過石硤尾，發覺同好多年前舊式石硤尾邨唔同咗好多。好多樓宇都係新起嘅，亦開咗間新茶樓，路過見到飲茶有早晨優惠，有一日就早少少起身去試吓。去到估唔到依家茶樓先進到連茶壺加水都全自動，仲要係app可以點餐，所以由入單到廚房至送餐都好快就到。叫咗豬肚雞扎、生菜魚皮餃、糯米卷、煎釀四寶、紅油抄手、芝麻芋蓉餅，啲點心都算不過不失，其中最鐘意係紅油抄手，雲吞皮薄而細膩滑嫩，包裹著多汁入味的肉餡，醬汁的蔥蒜辣椒有著辣度剛剛好的辛香和陳醋的酸甜，非常開胃，帶出肉餡的鮮香。今次早茶做緊點心半價相當抵食，兩個人食飽了一百蚊都唔使，呢個真係估佢唔到。