大滿足 (已搬遷) 新店位置

睇完網上雜誌介紹，見到幾間手卷店太吸引，今日揀左大滿足後黎試。超多組合的手卷，材料豐富到爆，最特式最吸引就係海膽手卷，因為用半板海膽，另外仲有一板海膽。C01海膽手卷（半板）$29.99睇下d海膽幾多幾抵食，多到爆出黎，果然$30有半板海膽真係好抵。不過味道就要食過先知。先食啖海膽，好軟滑好綿，味道唔算鮮甜，不過都易入口。但扣分既係d海膽有d腥腥地。加左d醬油食，味道好左少少，腥味都仲有d。整個手卷得個面係海膽，中間全部都係白飯，所以大啖食落去先得，唔係最後只可以食飯。C24海膽三文魚手卷$28當然有其他組合，友人食既係有三文魚，但海膽份量減半，同樣抵食。三文魚肥美新鮮，入口魚油香滑，加左醬油更美味。也夾到海膽，不過海膽都係有d腥。每人$28-30就有海膽手卷，的確好抵食，不過海膽就有d腥，可能甘岩個板唔夠好味，但其他材料都好味又吸引。但味道尚可，有機會試埋其他材料組合。