Lady M (已結業)

自從上個星期同閏蜜嚟Lady M high tea之後,發現咗原來呢度有tea set,我就番去同阿肥講,一個套餐包四件蛋糕加兩杯嘢飲,都只係需要$298蚊,連佢都覺得好吸引丫~應承咗我話假期就同我一齊試,所以就喺國慶假期嘅一日嚟咗啦。 本來諗住如果嚟到人龍太長嘅話就放棄唔食架喇,但係人又唔算好多喎,排喺我哋前面嘅都大約只係四/五張枱,所以我哋就決定等一下啦,聽職員講,原來坐室外雅座嘅話係冇tea set叫嘅,只提供單點同埋唔收服務費,想食tea set嘅就要等室內嘅枱啦。差唔多45分鐘左右,我哋就可以入座喇。 由於已經目標明確,一坐低之後,一人負責揀兩件蛋糕,同埋選取自己想要嘅飲品,另外我哋都怕漏,叫多咗一款咸點試下,反正等咗咁耐,唔好錯過呢個機會阿肥揀咗原味千層蛋糕同埋法式芝士蛋糕,係人都知原味千層係呢個品牌嘅皇牌出品,無論口感同埋味道都一樣無可挑剔,多層嘅超薄蛋皮夾住新鮮滑溜嘅淡忌廉,甜而不膩,食完真係齒頰留香。難怪呢一款係阿肥必叫嘅Lady M蛋糕,令人回味無窮。反而另外一款法式芝士蛋糕就帶嚟好大嘅反差,味道濃厚嘅芝士味帶點咸咸的,仲有一層鋪滿肉桂粉嘅脆餅底部,混合埋面頭帶點甜