念川居

營業中

休息中

獨遊Yoho，見到新開川菜館，從外面睇裝修華麗，就試試。入面濃厚中國風，仲有啲位放裝飾品。點咗川菜代表— 擔擔麵。擔擔麵麵身偏幼。味道上好香芝麻味，食落唔膩，唔會太張口。小菜方法點咗京式賽螃蟹。賽螃蟹利用海鮮、蛋白或魚肉炒出蟹肉的鮮嫩爽滑口感及味道，係傳統中菜。炒得比較稀身。材料有瑤柱乾，彷蟹肉一絲絲口感。甜品方面點咗杏汁燉官燕黎補下。一分錢一分貨，官燕分量唔少。官燕用冰糖燉，帶有微甜。杏汁好香滑，好濃，單飲都好正。