影片
更多
2023-05-18
40 瀏覽
尖沙咀厚福街出名多食店, 係厚福街8 號開咗間新派家點心小菜館, 主打新派創新手工點心, 雖然價錢可媲美高檔酒樓, 全部點心都係師傅人手去整, 重要打破傳統, 款款點心都可打卡, 絕對可吸引年青一輩。餐廳裝修設計優雅, 淺藍色枱櫈配木系裝修, 天花有多盞大圓燈, 感覺新潮; 落地玻璃窗, 環境舒服。落單用QR code, 超方便。我見佢午市套餐都好精緻, 有蒸飯+老火燉湯+新鮮蔬菜再加兩件靚點心, 都係$88/位, 好啱附近返工嚟食; 又下午茶, 有8選4件嘅點心, 都係$48/位, 而家新張期間仲有9折免加一呀! 正呀! 今晚慶祝母親節就揀呢度食下飯同點心。彩虹蝦餃 - $68用咗一個古色古香嘅蒸籠上枱, 打開籠蓋, 係熱晶凝通透得嚟顏色超靚嘅大大隻蝦餃, 因蝦餃皮用橙、綠、白包住鮮味, 爽口彈牙嘅蝦肉, 每隻蝦餃用咗食用金粉掃係表面做裝飾, 賣相一流, 個個都係相機食先。帶子紅米腸 - $58腸粉皮係紅米粉漿加埋帶子肉蒸, 仲有食用金粉做裝飾, 上枱好靚; 腸粉有米香, 帶子都好鮮甜。XO醬香煎蘿蔔糕 - $48蘿蔔糕食到有蘿蔔粒, 唔會全部粉咁, 煎到金黃色, XO醬又夠惹味,
餐廳裝修設計優雅, 淺藍色枱櫈配木系裝修, 天花有多盞大圓燈, 感覺新潮; 落地玻璃窗, 環境舒服。落單用QR code, 超方便。我見佢午市套餐都好精緻, 有蒸飯+老火燉湯+新鮮蔬菜再加兩件靚點心, 都係$88/位, 好啱附近返工嚟食; 又下午茶, 有8選4件嘅點心, 都係$48/位, 而家新張期間仲有9折免加一呀! 正呀! 今晚慶祝母親節就揀呢度食下飯同點心。
彩虹蝦餃 - $68
用咗一個古色古香嘅蒸籠上枱, 打開籠蓋, 係熱晶凝通透得嚟顏色超靚嘅大大隻蝦餃, 因蝦餃皮用橙、綠、白包住鮮味, 爽口彈牙嘅蝦肉, 每隻蝦餃用咗食用金粉掃係表面做裝飾, 賣相一流, 個個都係相機食先。
帶子紅米腸 - $58
腸粉皮係紅米粉漿加埋帶子肉蒸, 仲有食用金粉做裝飾, 上枱好靚; 腸粉有米香, 帶子都好鮮甜。
XO醬香煎蘿蔔糕 - $48
蘿蔔糕食到有蘿蔔粒, 唔會全部粉咁, 煎到金黃色, XO醬又夠惹味, 咸香又鮮味, 有微辣, 同煎蘿蔔糕係絕配呀!
荷香蟲草花滑雞飯 - $88
超大份嘅荷葉蒸飯, 足夠兩至三個人食, 除咗足料嘅滑雞之外, 仲有紅棗、蟲草花、杞子等滋補食材, 每啖飯仲有陣陣荷葉香, 滑雞又好入味, 真係唔錯。
桃膠燉原隻雪梨 - $88
這個又係打卡之選呀! 桃膠同全隻梨一起燉煮, 很滋潤, 桃膠好足料, 個梨燉到好腍, 仲落埋桂花, 成個糖水非常清甜, 超香桂花味; 食完感覺好滋潤, 值得推介。
#明乾小館 #粵菜 #香港料理 #尖沙咀餐廳 #點心 #精緻點心 #尖沙咀點心 #小菜 #腸粉 #蝦餃#桃膠燉原隻雪梨#帶子紅米腸 #hkfoodie #hkfood #尖沙咀 #香港美食 #尖沙咀美食 #tsimshatsui #點心 #dimsum #港式點心 #tsimshatsuifood #相機食先#打卡
張貼
