岱民華明店

營業中

休息中

我幫襯咗岱民咁耐時間，我認為華明商場嗰間岱民，應該係岱民全線旗下嘅分店最好嘅一間……因為我今日已經去咗岱民嘅華明店，一入到店內就已經覺得個環境好似打仗咁款🤣，原因係入面唔係好似其他分店咁每個人都排隊購物，而係根本亂哂大龍，啲客人喺我身邊不停左穿右插🤣，目的係希望可以盡快買到自己想食嘅餸菜。岱民華明店真係有好多小菜款式，我有好細心睇過，應該有二十幾款小菜左右，真係多到黐肺……🤣而且又好多都係屬於超水準嘅小菜，例如梅菜扣肉、咸蛋蒸肉餅、鎮江骨等，認真超水準！而家詳列一次究竟岱民華明店有咩嘢小菜款式啦……咸蛋蒸肉餅、炸雞中翼、滷水雞中翼、粟米斑塊、芙蓉蛋、葱花蒸水蛋、香煎肉餅、蟲草花蒸雞、鎮江骨、咕嚕肉、椒鹽豬扒、酸菜炆大腸、青炒椰菜花、魚香茄子、羅漢齋、九轉肥腸、梅菜扣肉、紅燒獅子頭、蕃茄炒蛋、炒大豆芽、炒菜心、涼瓜炒牛肉、咖喱雞、蒸鯇魚腩、炒四季豆等等。岱民華明店嘅小菜質素真係非常之高，就算要長途跋涉入到去粉嶺都要幫襯。