Häagen-Dazs (已結業)

飲完奶蓋紅茶，其實有點 "漏"，但一想起食雪糕，就甚麽也忘掉了。銅鑼灣這分店是最近才開幕的，手持網站列印出嚟嘅優惠券，購買單球雪糕，只要加多 $1 就可免費獲贈多一客。晚上八時半過後去到，已經有人龍在排隊購買，尤幸店員工作效率都唔錯，很快便選了一款曲奇呍呢拿單球 ($33), 而送嘅雪糕係指定口味嘅香橙黑朱古力 (+$1).Cookies & Cream --- 朱古力碎曲奇味道濃郁，埋藏喺濃厚嘅呍呢嗱雪糕裏面，簡直就滋味無窮Dark Chocolate Orange --- 呢款係新口味嚟嘅，黑朱古力味道唔算濃郁，但加入香橙的確唔錯，可以食到橙絲，而且橙味芬芳，唔怪得之佢宣傳話「清新的橙香點綴醉人的朱古力，與您體驗這奢華的浪漫」，如果黑朱古力味道可以濃一點就更完美了俾錢時，店員即時奉上兩張單球雪糕買一送一優惠券，真係識做生意，不過可惜有效期只有一星期，太短了罷！另外此分店有多款獨家堂食甜品，例如情迷麵包布丁、戀戀青蘋金脆、布冧朱古力忌廉蛋糕等等，要體驗有幾獨家，就要自己親自去品嚐吓喇。