木船 (已結業)

今日到大埔搵吓地方食午餐，幫襯一下小店。太和路翠怡花園樓下有一間泰國餐廳，於是入去試一試。餐廳裏有大約80個座位。環境都算清潔！餐牌上都有幾多選擇，設有午市套餐，供應時間由上午11時半至下午三時。總共有22款主食選擇。價錢包括咖啡或茶，凍飲加$3，精選特飲另加$5。熱柚子蜜加$2，凍柚子蜜加$3。一個主食，加$10有一款小食，加$18有兩款！午市套餐價錢合理。我點了冬陰公湯粉，追加兩款小食，炒通菜及單骨雞翼！加一杯青檸梳打，梳打屬於精選特飲只需要加$5。冬陰公湯粉的蝦都幾大隻，單骨雞翼好好食，炒通菜最大碟，幾抵食！青檸梳打內有兩舊青檸，選用泰國的樽裝梳打水，好好飲。