飼說 (已結業)

年初五。還是新年假期 ，看過早場後已經是中午時份，心中早有Plan A/B。怕正值午飯太多人，於是在附近 Hea 下, 待晏小小客人散去後上來 Plan A 【飼說】擔路。 以 Café來說面積唔細，而且有Outdoor 位置。天氣不寒不熱當然要盡要呼吸自由空氣，其實一個 hea的 Café 真係好爽，可以盡情讓自己放空一下。午餐供應至三點可是我不感興趣，於是挑選了朱古力蛋糕$48、 Rose Latte $39 (設加一)雖然已經預計朱古力蛋糕是甜和溜的總和，但它似乎超越了我對甜的底線。蛋糕底部微微濕潤，較為黏口。幸好朱古力十分香濃，雖非我杯茶，但或者朱古力粉絲會喜歡的。在杯邊灑上玫瑰花的 Rose Latte增添了幾分優雅之餘，也同樣芳香滿溢。咖啡味道度略嫌單薄 ，令到玫瑰味好出，奶泡亦唔夠挺身，幸好整體而言尚算不俗。可能今次選錯食物，下次有機會試試午餐。