影片
更多
2021-02-01
761 瀏覽
由經驗豐富既總麵包師Nikolai Murzello領導團隊新開張既手工麵包餅店「𝔹𝕒𝕜𝕖𝕕 𝕓𝕪 𝕊𝕙𝕒𝕟𝕘𝕣𝕚-𝕝𝕒」強勢登陸九龍香格里拉酒店❗️期．間．限．定為期三個月到2021年4月咖咋．今次我試勻哂六款招牌麵包糕點啲麵包用勁靚既包裝而且款款pastries都好飽滿吸引相機先食左大半個鐘不停影、不停影麵包糕餅樣樣色香味俱全真係酒店級質素Good Morning本來就應該係咁啦☀️下個Post會介紹另外三款呢．🥯焦糖布甸德式甜冬甩 ($25）依據德國柏林傳統冬甩既做法（即係中間唔會有孔）並糅合法式焦糖布甸嘅精髓食落冬甩超有彈性、內層吉士軟滑面層嘅焦糖香脆得來好精緻食完呢個甜冬甩真係滿足度爆燈．🥖日式咖哩包（$25）與其話佢係日式麵包我就覺得呢個絕對係香港80後嘅集體回憶炸得金黃色既外層、薄薄脆口既麵包糠、軟身既麵包質感、惹味既牛肉咖喱係以前返學最愛早餐之一而家老式麵包舖都好少賣呢款咖喱包竟然可以喺呢度搵到好感動．🥐三色牛角包（$30）買完即刻食係最好又或者放入焗爐氣炸鍋焗返熱就食到香噴噴又超鬆化既酥皮牛角包而且仲有三款內餡口味俾你揀包括抹茶忌廉🍵、香蕉吉士🍌、士多啤梨吉士🍓顏色賣相滿
新開張既手工麵包餅店「𝔹𝕒𝕜𝕖𝕕 𝕓𝕪 𝕊𝕙𝕒𝕟𝕘𝕣𝕚-𝕝𝕒」
強勢登陸九龍香格里拉酒店❗️
期．間．限．定
為期三個月到2021年4月咖咋
．
今次我試勻哂六款招牌麵包糕點
啲麵包用勁靚既包裝而且款款pastries都好飽滿吸引
相機先食左大半個鐘不停影、不停影
麵包糕餅樣樣色香味俱全真係酒店級質素
Good Morning本來就應該係咁啦☀️
下個Post會介紹另外三款呢
．
🥯焦糖布甸德式甜冬甩 ($25）
依據德國柏林傳統冬甩既做法（即係中間唔會有孔）
並糅合法式焦糖布甸嘅精髓
食落冬甩超有彈性、內層吉士軟滑
面層嘅焦糖香脆得來好精緻
食完呢個甜冬甩真係滿足度爆燈
．
🥖日式咖哩包（$25）
與其話佢係日式麵包
我就覺得呢個絕對係香港80後嘅集體回憶
炸得金黃色既外層、薄薄脆口既麵包糠、
軟身既麵包質感、惹味既牛肉咖喱
係以前返學最愛早餐之一
而家老式麵包舖都好少賣呢款咖喱包
竟然可以喺呢度搵到好感動
．
🥐三色牛角包（$30）
買完即刻食係最好又或者放入焗爐氣炸鍋焗返熱
就食到香噴噴又超鬆化既酥皮牛角包
而且仲有三款內餡口味俾你揀
包括抹茶忌廉🍵、香蕉吉士🍌、士多啤梨吉士🍓
顏色賣相滿分
層層分明既酥皮配軟滑爆餡既果肉吉士好難抗拒
🍞棉花糖鬆餅（$25）
呢個就勁喇因為係總麵包師獨門秘方
令到鬆餅食落保持到濕潤又綿密
棉花糖係自家製
熱熔後除咗增加賣相度之外亦令鬆餅帶來絲絲甜味
怕食過分甜膩甜品既你不妨一試
最重要係呢個價錢好超值
抵食過普通連鎖咖啡店賣既鬆餅
．
🌳扭紋樹根麵包（$48）
呢個與大熱既酸種麵包外表相似
但係原來扭紋樹根麵包源自瑞士歷史悠久
麵包外層質感口厚實粗糙煙煙靭靭
而入面發酵後充滿空氣感食落鬆軟
不過唔使擔心絕對唔係空氣麵包
保證你會食得飽
小提議係你可以另配堅果醬或者軟滑牛油提升口感層次
我揀左粗粒花生醬配麥味香濃既麵包
有咬口之餘堅果獨特既濃郁令人食唔停口
大大個麵包而價錢仲平過酸種個款勁抵食
配埋熱咖啡當早餐食好味又有營養
．
👑檸檬甜酒皇冠蛋糕（$88）
呢款源自奧地利嘅經典蛋糕賣相可愛
薄薄既糖霜鋪滿蛋糕面層顏色好靚
檸檬甜酒、糖漬果肉、杏仁片配搭埋牛油蛋糕
驚喜地食落唔覺得漏
反而有清新嘅柑橘香味而且質地鬆軟
切開四份配搭熱茶
同朋友一齊下午茶聚會食就最啱
𝔹𝕒𝕜𝕖𝕕 𝕓𝕪 𝕊𝕙𝕒𝕟𝕘𝕣𝕚-𝕝𝕒做緊個勁正既【開業優惠】
由即日起至2月28日
買兩件精選麵包就可以免費多一件（價格較低個款）
本身麵包糕餅價錢已經夠大眾化
連埋呢個優惠分分鐘仲抵過出面普通麵包舖
岩哂心思思樣樣都想試既「麵包控」啦 🍞
棉花糖鬆餅
20 瀏覽
0 讚好
0 留言
11 瀏覽
0 讚好
0 留言
36 瀏覽
0 讚好
0 留言
23 瀏覽
0 讚好
0 留言
張貼
