Supabowl (已結業)

之前係網上已經見到呢間小店好吸睛的相片，今日黎開呢頭做野，所以就黎試下呢個咁靚既早餐，俾自己有個Good morning!小店位於汕頭街街尾，發覺行入呢條街好似去左外國咁，因為有好多唔同國家的食店，而且裝修都幾外國。同朋友大概早上10點左右去到，已經見到有不少人企係附近食緊或者等緊拎。Cocobowl($80)，呢個用椰子殼盛載的早餐，內裡有巴西莓加椰子水的蓉，水果有士多啤梨、藍莓同香蕉，最頂層有南瓜子、脆麥片同埋椰子片。呢個組合比著平時我一定唔會食，因為我好少食香蕉的，但由於賣相太靚的關係，好快就食哂成碗了!巴西莓蓉食落感覺好似糊仔，唔會話甜到漏，岩哂早餐食，生果好新鮮鮮甜，店員提議我們可以加入點蜜糖，加了之後帶有少少甜容易入口好多。Powerbowl(L)($79)，這款是在巴西莓蓉加入蛋白粉，感覺會更飽!這款的水果是芒果、奇異果及香蕉，還有亞麻籽，岩哂想食健康D但又想飽肚D既男仔!朋友話食完呢碗早餐足足飽左成個下午!總括黎講，價錢雖然貴左少少，但賣相完全吸引一個好少食健康早餐的人有意慾去食!而且非常適合影相呃like!有機會要再黎支持小店!