Café Life Patisserie & Cafe (太興中心) (已結業)

前排去左上環諗住搵啲cafe坐下，搵到呢間🥳🥳 呢間餐廳啲蛋糕好精緻！仲要定期轉唔同主題～ 今次就有白桃同香印theme🥰香印青提拿破崙（$88）拿破崙皮夠香口，不過唔夠脆😭口感差少少，中間嘅吉士加入咗好多雲呢拿籽，食落味道非常濃郁！配合埋旁邊嘅忌廉，令到成件事非常邪惡😈好彩中間有勁多香印青提，可以減低油膩感！香印青提檸檬卷（$72）呢個卷蛋蛋香味非常突出，而且都夠濕潤～ 食到啖啖檸檬味😋 青提非常清甜，呢個都不錯！白桃紅茶忌廉蛋糕（$85）蛋糕表面有勁多白桃粒粒，新鮮又夠香甜😍蛋糕濕潤鬆軟，略嫌忌廉多咗少少，不過都唔錯！如果紅茶味再出啲就好，但呢款絕對值得一試！