三公台灣料理 (已結業)

訂台8折。好抵。本身價格都不高，夜晚來食都多人，環境坐得舒服音樂播得大聲，但能接受，相對加埋食客傾計就個人覺得有時好嘈，叫左炸豬排麻辣撈面，面有滷肉碎，個麵整體好好食。豬扒好大塊插咗喺個碗度，賣相靚，但係感覺豬扒比較乾。另外再叫咗個炸雞滷肉飯。。呢個比較出色炸雞香脆又有肉汁，推薦🫰🏻仲嗌咗個麻辣嘅滷水拼盤。有豬大腸牛舌牛肚，個汁又係辣辣地好食，牛舌要再提一提係勁林勁好味😋😋😋飲咗杯冬瓜茶建議要少甜，因為佢都好濃味都啱嘅，因為飲過好多地方冬瓜茶都冇乜味，所以佢小糖都OK，另外嗌咗杯奶蓋烏龍茶又係好飲，但係食完走咗之後就覺得個身有浸油煙味，可能坐得比較近廚房掛😆不過又唔係話真係好勁嘅，下次會再嚟食👍🏻🫰🏻